空襲警報～
阮阿公空襲的時早就已經跌落山腳
阮阿嬤的豬圈乎伊燒甲臭火乾
阮阿爸上班的糖廠去乎掃甲一坑一缺
做田的攏嘛走去躲在樹仔腳
飛凌機若來你就趴落爛溝仔或是土腳
阮厝邊有人未付去乎彈到腳
飛凌機飛來的時盛盛叫是有夠大聲
你遠遠無見人是已經就知影
啊～ 這款的代誌
啊～ 學校攏無提
啊～ 那當時那這呢神秘
（未來嘛是非常神秘）
聽說是美軍要來炸台灣的日本兵仔
聽說咱攏總唱著日本的軍歌
聽說咱著要交出鋤頭剪刀 摻螺賴把
說戰爭是保護咱自己的國家
酸酸喲喲酸喲喲
兒仔時的 Radio 攏聽會到
對你的了解哪這呢少
歷史的傷害擱有影不是親采
自開始我攏當做是阮阿爸在說的詼頦
自開始不知咱過去有這多的目屎
現此時咱是生活在塊不同的世界
不知影飛凌機何時會擱來
