作詞：林志立 作曲：林志立 親像娘仔絲的頭鬃 拍毋見一絲嘛會毋甘 目睭親像天星佇閃 連月娘嘛走去藏 甘是那睏那眠夢 你若落眠世界嘛毋敢振動 不敢大力共你攬 嘛煩惱你醒來揣無人 飼你三年像過三十冬 逐工淺眠袂赴眠夢 你七坐八爬九發牙 我七老八十袂振動 媽媽疼你是一世人 老爸的教示是毋通放 若已經無力共你攬 你著愛有孝我佇彼一工 我的心肝啊紅嬰仔 永遠袂後悔你來阮兜 但是我真正毋知影 日子會遮爾袂輕鬆 我的心肝啊紅嬰仔 甘願為你風吹大雨淋 因為有你我才知影 愛你比性命較重 我的心肝啊紅嬰仔 永遠袂後悔你來阮兜 但是我真正毋知影 日子會遮爾袂輕鬆 我的心肝啊紅嬰仔 甘願為你風吹大雨淋 因為有你我才知影 愛你比性命較重