作詞：林志立 作曲：林志立 攑著雨傘走來到遮 打著車票欲來起行 かばん的衫嘛無幾領 哪會重甲尻脊骿攏袂攑 看著時間猶閣真早 原來離開故鄉是這款心情 望著窗外無人咧送我 一心想欲趕緊離開遮 敢是 感覺孤單 敢是 向望有人作伴 衫穿卡濟領 猶原遐爾仔寒 踏著燈火閃爍的塗跤 佇遮無人知影我的名 期待著中港路頂的生活 垂楊路再會啦 遮的路燈哪攏袂化 免驚暗時看無路通走 不知不覺也已經冬外 大墩的生活 攑著雨傘閣來到遮 打著車票心情快活 揹著かばん是小可仔驚惶 好佳哉閣趁有通食 看著時間也已經無早 轉來這敢有人記著我的名 毋管日頭是幾點欲落山 也有兩個故鄉咧等我 敢是 感覺孤單 敢是 向望有人作伴 衫穿卡濟領 猶原遐爾仔寒 踏著燈火閃爍的塗跤 佇遮無人知影我的名 期待著中港路頂的生活 垂楊路再會啦 遮的路燈哪攏袂化 免驚暗時看無路通走 不知不覺也已經冬外 大墩的生活 踏著燈火閃爍的塗跤 佇遮無人知影我的名 期待著中港路頂的生活 垂楊路再會啦 遮的路燈哪攏袂化 免驚暗時 看無路通走 不知不覺也已經冬外 大墩的生活