青翠的竹園 留著有偌濟 有偌濟的故事 講予你知 予你知 OS: 社會進步生活改變 工廠鐵厝仔代替田園 觀音坑的田已經無去啊！ 會記咧門口埕有一欉桂花 阮嘛定定爬起咧樹仔頂 向對山跤看落 有青色的竹園佮田園 阮等待老郵差 等待阿公寄肉鬆來 是一條無點仔膠的山路 送批的老芋仔 揹著郵局的大卡袋仔啊 走著田埂仔路 蹽過觀音坑溪 辛苦的老郵差 流汗若雨來 哈啊 是阿公疼孫 哈啊 等待的是思念 卡早觀音山的公路局嘛沒幾幫 阿母擔著竹筍 坐車去市內做生理 車內筍仔滿滿是 用夠迒的才行有路 透早的頭幫車 阮的蟬仔車頂吱吱叫 哈啊 是無煩無惱 哈啊 是做囡仔的時陣 楓跤總站 蹛著挈批的老郵差 伊嘛逐工坐車去成子寮領批送倒轉來 有學問的老芋仔 是阮兜上歡迎的人客 趕緊倒一杯 汽水賰的是阮的 哈啊 是阿公疼孫 哈啊 等待的是思念 哈啊 是溫暖的老郵差 哈啊 是五十年代 青翠的竹園 留著有偌濟 偌濟的故事