「大蛇恬恬倚佇遐 樹葉仔當做雨傘遮
蕃薯磨粿真好食 涼亭仔四跤靠伊夯」
真正媠 美麗的三芝
有山有田擱有水 種花種菜種果子
台灣四界攏是山 地景資源多變化
「共榮 安康」好條件 裡山實現做陣行
(Satoyama 美麗的家 夢想的 Satoyama)
聽到田岸水雞聲 敢若慶祝咧唱歌 是改變換來新的性命
八連溪有水車來做伴 坪仔田 歡迎田嬰轉來蹛
「大蛇恬恬倚佇遐 樹葉當做雨傘遮
蕃薯磨粿真好食 涼亭仔四跤靠伊夯」
三芝出名是美人腿 安康 源頭清氣水
共榮 汙水來過濾 沃花沃田沃果子 真正媠 美麗的三芝
人講阿嬤點胭脂 親像水蓮花當開 逐家嘛呵咾講伊媠
八連溪 有清香的氣味 坪仔田 毋甘慢慢仔消失去
「大蛇恬恬倚佇遐 樹葉當做雨傘遮
蕃薯磨粿真好食 涼亭仔四跤靠伊夯」
聽到田岸水雞聲 敢若慶祝咧唱歌 是改變換來新的性命
八連溪有水車來做伴 坪仔田歡迎田嬰轉來蹛
人講阿嬤點胭脂 親像水蓮花當開 逐家嘛呵咾講伊媠
八連溪有清香的氣味 坪仔田的水面 有一隻白翎鷥飛過去
真正媠 美麗的三芝