我心謳咾上帝，自然永活的父， 天地萬有相及應聲，謳咾祂大尊名； 樹木田園水泉，穹蒼大海高山， 顯明祂大權能榮光，仁愛公義齊全。 我心謳咾上帝，世間眾人的父， 空中飛鳥吟詩出聲，謳咾祂大尊名； 溪水草埔青翠，芳花果子極媠， 日光照來，涼風吹來，講起祂大仁愛。 我心謳咾上帝，天下本對一家， 雖然歹代暫時縱橫，公義穩當得勝； 聖國臨到地上，若準佇天一樣， 天下到尾合做一家，榮光歸佇上帝。 阿們！