村長伯仔欲造橋 為著庄裡的交通收成的運送 猶有囝仔的教育 溪沙同款算未完的理由 村長伯仔每一家每一戶撞門 講是造橋重要愛造橋 村長伯仔實在了不起 舊年裝的路燈今年會發光的存一半 今年修的水管舊年也已經修過兩三遍 只有溪埔雖然無溪水也愛有一條橋 有橋了後都市人會來庄裡就發達 造橋重要收成運送也順利 造橋確實重要無者庄裡就無腳 計程車會得過不過小包車想欲過不敢過 咱的庄裡觀光資本有十成便利無半成 造橋重要請村民支持這亦不是為我自己 雖然我有一臺金龜車，橋若無造 同款和各位父老步輪過溪埔 村長伯仔講話算話 每一日自溪埔彼邊來庄裡走縱 為著全庄的交通村民的利便 他將彼臺金龜車鎖佇車庫內 村長伯仔講是橋若無造他就不開鎖 哎！造橋確實重要愛造橋