此對話錄制於2021年3月7日 香港 北角炮台山 童年都好冇模糊啦 你喺邊度出世㗎 喺上海出世囉 你係點樣由上海到香港㗎 細個嗰陣時 你嗰陣時幾多歲啊 十歲十一歲到啦 我就係比你表弟大嗰啲囉 你嗰陣時你個⋯ 我嚟到香港呢 英文ABCD乜都唔識 讀四年班讀三年班 都跟唔上成績 聽見⋯後尾我讀到初一初中一咋 太公嗰時冇錢喇 要養咁多人 我初一嗰陣時就出去做嘢啦 做嘢嗰陣時幾多錢你一個月你知唔知呀 一個月喎 一年啊 一年幾多錢呀 我計俾你睇 一年一千六百五十六蚊一年啊 一年啊 一個月得百幾蚊咋 我收到啲錢呢 全部攞晒返屋企 一毫子都冇攞到 你上海嗰間屋呢 個地址係咩 江寧路囉 江寧路 咩區啊 美琪戲院你知唔知呀 大光明戲院知唔知呀 我哋返上海住嗰陣時你有冇探過 我有去過睇過 而家係咩嚟㗎 美琪戲院囉 你嗰陣時住間屋 變咗美琪戲院 嗰陣時住間屋 搵過冇啦 拆清光啦 搵過晒 拆清光啦 我同婆婆去睇過 咁你哋搬咗去香港 點解會冇咗錢呢你同你爹哋 嚟到香港 有成十幾廿個人 要食嘢 冇嘢做 租地方住 諗住避雨咋嘛 好似落大雨 有雨咪嚟香港避雨囉 諗住香港 住一年半左右 返返去大陸冇事㗎啦 如果嗰陣時 嚟到香港呀 知道啲樓價咁值錢呀 嗰陣時啲樓幾多錢呀 一間屋幾多錢呀 嗰陣時我知道間屋幾多錢啊 萬零二萬蚊咋嘛 兩萬蚊啊 兩萬蚊 咁你話你⋯好啦公公唔講啦 下次先再講 講到呢度啦 下回再分解啦 你知唔知呀 你要學到公公咁樣樣 好心唔怕做 盡量要幫 幫到人哋就幫人哋 唔好猶豫不決 一個人呢 有難嗰陣時 先有人幫忙