人權地景 (The landscape of human rights) 勞動服務 作詞：林家鴻、尤智毅 作曲：林家鴻 仁愛公園石碑 刻著落落長的名字 紀念彼段 上介黑暗的日子 1947年 冷血槍聲響起 無辜性命 了結佇國家的暴力 談判代表 予殺死佇柴山頂 土匪兵仔無佇管待人權的神聖 地下道 市政府內 烏白開槍 學生組織自衛隊 為著正義來犧牲 戒嚴以來第一擺示威佇橋仔頭 攑布條 過鳳山 來到高雄火車頭 毋願繼續假惦惦 予當做是啞口 鬱卒 心凝 遐爾久 袂當無敨 野生的政治家 余登發 最後雖然逃袂過政治特務的追殺 民主的香火 位遮開始湠 拍倒威權體制 新的世代來接續 血汗滴落土 燭光照著坎坷來時路 超越了悲苦 作伙大聲合唱美麗島 血汗滴落土 燭光照著坎坷來時路 超越了悲苦 作伙大聲合唱美麗島 美麗島雜誌放送車佇街仔路宣傳 警察鴨罷掠人 硬拗講尹要叛亂 全台民主先進 決心來跟伊反 1979人權日 相招中正圓環 瓦斯發射 鎮暴部隊見人就拍 黨外人士一个一个掠去坐監 就算講電視報紙逐工給尹妖魔化 憤怒變天的聲 煞顛倒愈來愈大 勞工公園 三鳳宮前 聽演講 生理人 黑手 學生 嘛有運將 無人會當看輕 草地的力量 歷史改變的關鍵火種 就佇个高雄 美濃反水庫 少年人來組樂團 世間萬物 攏有尹的生存權 自由的歌聲 一代綴著一代傳 自決的腳步袂當歇睏 到永遠 血汗滴落土 燭光照著坎坷來時路 超越了悲苦 作伙大聲合唱美麗島 血汗滴落土 燭光照著坎坷來時路 超越了悲苦 作伙大聲合唱美麗島 毋通袂記 毋通袂記 毋通袂記 毋通袂記 毋通袂記 毋通袂記 毋通袂記 毋通袂記