鹽分地帶 (Salt Region) 勞動服務 作詞：林家鴻、尤智毅 作曲：林家鴻 編曲：柯智豪 Blaire Ko 鹽分地帶 歷史開始的所在 遮就是咱台灣的real west side 七鯤鯓 倒風內海 台江內海 西拉雅 紅毛 海賊表演的舞台 海水漸漸退去 土地浮起 土肉內底 猶原有 鹽的滋味 焦瘦的鄉土 掖落自由的種子 紅菜頭簍出頭 無認輸真鐵齒 豉過鹽的風骨 永遠攏袂背骨 北門七子 用文筆來追求民主 郭水潭毋願為皇民運動來背書 社會主義代表是吳新榮醫師 二二八迫害 三月煞來作水災 含著目屎 寫出時代的悲哀 毋驚軍警三不五時來找麻煩 面對白色恐怖 堅定意志攏未改 民族的尊嚴 佇個詩文內底 文化的復興 佇個平埔夜祭 老牛車載著 一家伙仔大大細細 老咕石仔厝 留著過去的美麗 五十歲做畫家 洪通住佇蚵仔寮 東方的畢卡索 無受教育嘛真敖 鄉土文化運動 在地意識會出頭 歸十年來 高壓統治 嘛是無效 多元文化的價值觀 是愈來愈強 傳統藝術 民間信仰 就愛尊重 剪黏何金龍 捏廟尪仔是葉王 欲看國寶就愛去金唐殿跟慈濟宮 地下水無清氣 來造成烏腳病 王金河 謝緯 先生用性命來交陪 無願意環境汙染的悲劇擱來發生 海口人團結一致 阻擋七輕工程 紅樹林 古廟 鹽場 烏面吶飛 阿立祖 媽祖 王爺 基督教會 時代的交會 佇這片鹹鹹的土地 咱攏是過客 豐富著人文跟自然 民族的尊嚴 佇個詩文內底 文化的復興 佇個平埔夜祭 老牛車載著 一家伙仔大大細細 老咕石仔厝 留著過去的美麗