眉溪四庄的過年 (The festival of Kaxabu) 勞動服務 作詞：林家鴻、尤智毅 作曲：林家鴻 編曲：柯智豪 Blaire Ko 行李款款 目標台灣的內地埔里 舊曆十一月十五 眉溪四庄的過年 我的好兄弟 Bauke叫我一定愛去 今年著大湳仔主辦 輸陣就歹看面 噶哈巫住佇關刀山腳四个庄頭 守護大埔城 清朝佇這設隘寮 跟高山 跟平地 攏保持好關係 高深的法術 相過假痟汝就做狗爬 九二一大地動 家園脆糊糊 食苦當作食補 大災難打尹袂倒 古老的語言佮風俗 拚力來恢復 少年一代重新熟識 自己的民族 溪邊掠魚 山頂打獵 好料的僎便便 家家戶戶激酒 做阿拉粿 拜祖先 宣傳車市區放送 招逐家來逗熱鬧 能高大圳旁的空地 透早到暗暝 今仔日是噶哈巫的過年 aiyan no aiyan 阮惦這唱歌飲酒真歡喜 aiyan no aiyan 這是屬於祖先的日子 aiyan no aiyan 未來嘛請恁繼續保庇 aiyan no aiyan 番太祖目珠真大蕊 三太子徛身邊 檳榔佮米酒 表示咱的敬意 紅甘蔗 香菇 水筍 豐收好過年 青苔 刺蔥豆腐 天然的好滋味 少年家 走標展現男子漢的氣魄 古早時 攏是查埔予人娶入家 起火 圍一個圓箍仔來牽田 過去的歷史 攏佇A-Pu唱的阿焉 土角厝公媽廳前 聽Tata講過去 上介予人感覺趣味 是番婆鬼 靠兩片香蕉葉仔 就會當飛來飛去 偷挖囝仔心臟來食 逐家驚佮欲死 位新社搬山過嶺來到台灣的中心 噶哈巫從來無佇這塊土地消失 原住民的身分 政府毋願來認定 作伙攑起紅白色的標旗繼續出征 今仔日是噶哈巫的過年 aiyan no aiyan 阮惦這唱歌飲酒真歡喜 aiyan no aiyan 這是屬於祖先的日子 aiyan no aiyan 未來嘛請恁繼續保庇 aiyan no aiyan