嫁來台北

嫁來台北 (Married to Taipei) 勞動服務 作詞：林家鴻 作曲：蕭聖哲 編曲：柯智豪 Blaire Ko 欲嫁來台北 汝有澹泊仔驚惶 天龍國 有相濟歹名聲 雖然真合意 去大稻埕行行 南機場 擱有一堆好食的物件 冬天若到 不時就佇落雨 攏無表情的人到底是欲傱去佗 已經慣習 溫暖的南部 冷吱吱的都市氣氛真正是無法度 平埔正名 阮結緣佇凱道 衝行政院 為著反對服貿 抱著仝款的理念 牽手四界走 看袂過的代誌 咱嘛作伙譙 連求婚攏揀佇選舉音樂會 歹勢 這是我第一擺送汝花 佇眾人面頭前 問汝咁願意嫁 感謝汝無棄嫌 我的厚面皮 汝講汝欲唱這首歌 幸福進行曲 嫁來台北嫁來台北 嫁來台北嫁來台北 汝講汝欲唱這首歌 幸福進行曲 嫁來台北嫁來台北 嫁來台北嫁來台北 汝應該準備好勢 欲佇遮生活 麻豆佮艋舺 其實嘛差無介大 這有一寡古錐的店仔佮菜市仔 親切的老厝邊 攏咱的親晟 汝跟我 有足濟相像的興趣 愛聽人講故事 了解在地歷史 鬥陣來去作訪問 寫作歌詞 介紹遮的老樹 古井 跟遮的人物 逐工放好聽的音樂 來乎汝聽 一屏唸歌 一屏帶囝仔 歇睏時仔 來去駁岸邊騎車 坐佇个草埔仔 食一寡簡單的物件 這个所在 環境其實嘛袂歹 需要一寡時間 來佮伊熟識 用感恩的心情 來佮伊對待 咱就好好惦遮 經營咱的未來 汝講汝欲唱這首歌 幸福進行曲 嫁來台北嫁來台北 嫁來台北嫁來台北 汝講汝欲唱這首歌 幸福進行曲 嫁來台北嫁來台北 嫁來台北嫁來台北