（白）心肝仔囝，白郎君～來啦，是阿母我看毋著，我不應該責備你夜夜不歸，攏跑去鼻粉味，乎乎～狗母放尿按呢吱吱叫，放屁閣咧pū-pū叫。等一下王太和陳太欲來跋牌仔，你莫對亻因講，無若傳去佮人的後頭厝，彼是偌爾呀無面子，你敢會知，唉呦 （唸）現主時人客來訪 （白）人客倌！恁逐家遮早就來喔，好好好。啊恁今仔日是欲來跋偌濟啦？唉呦，月尾矣我知啦我知啦，月尾逐家攏嘛無方便，我知啦，這馬嘛是差不多欲月尾呀啦，我知啦，攏無方便啦，猶毋過我遮是無彼款意思，傳出去就歹聽！袂聽。唉呦，就參像那王太和陳太，亻因是逐工攏欲來遮跋筊呢，唉呦，才聽人家咧講，對面李秀珠佮啥物人去跋，嘛是攏跋輸呢，朋友走了了。像王太陳太逐工往外走，打算厝內擋袂牢，是有偌擋袂牢！袂堪得我看，彼个我看，這叫做不安於室，哎喲～乎乎～彼定著心肝內有啥物苦衷的款啦，多謝，算恁逐家看會得起我，抑毋過，可憐寡婦無捨施，怎堪佇外爿走，敢毋是！如此這般，這般如此，如此這般，這般如此，我暗算講我若是跋輸，我也無啥好抾怨矣。唉呦，敢毋是咧？ 演唱 Vocalist：李靜芳 Jinfang Lee 作詞 Lyricist：劉亮延 Liang-yen Liu 音樂製作人 Producer：柯智豪 Blaire Ko 打擊 Percussion：陳胤錞 Yin-Chuen Chen 錄音師 Recording Engineer：許智敏 Jamie Hsu 混音 Mixing Engineer：許智敏 Jamie Hsu