（白）哎～又閣是仝一个夢境，予我想起著昨日頂日大頂日，新年舊年幾落年，我彼日日佇相的夢境～唉啊～我實在是好清醒矣。 （白）物仔咧？抑無是誰提走物仔？嘿，啊毋緊共我收予好，唉呦，共甲恁遮的低路貨呀，唉呦，有影是齁，緊啊，緊共彼瓜子仔物仔彼啥物人啊卡緊攏收予好，唉呦，恁遮的啊，見人來就按呢假大空，今仔日是啥物人共物仔提出來排，猶毋趕緊共我跪落，彼啥物人，猶毋緊共我跪落，唉呦喂啊。 人呢？啊人是攏死佗位去矣？死了了蛤？全部人共我出來！抑無是當作我是死貓蛤？蛤？我是死貓是毋？唉呦喂啊，真正是有影乎，抑是按怎？你嫌我好額，抑是看我好欺負啊？你看我好欺負喔？抑是按怎？，恁看我老實攏無計較，恁是按怎？恁今仔日是攏遮白食白啉是毋蛤？前前後後我敢有欠恁一喙飯？啊好！恁乎，攏當作恁家己是小姐是無蛤？袂見笑，閣應得出來，唉呦喂啊，這馬的人乎，實在有影足袂見笑的啦，袂見笑閣面皮閣咧結厚厚。唉呦，歹勢，閣全藏去窟仔去，好啊，藏窟仔好啊，藏入去好啊，小姐我乎，就是佮意藏窟仔放屁，恁小姐我就是老太婆，按怎？抑無老太婆是按怎？唉呦，彼老太太就是專門來教示恁遮假𠢕的人啦。彼咧彼咧坐遮邊仔彼咧上甲敖，唉呦喂啊，出來啊，來來來，攏共我出來，攏共我出來喔，來，我算甲三，一，二，三。 啊，按呢好，你無代誌，啊若無，你等下你著討皮痛。 演唱 Vocalist：李靜芳 Jinfang Lee 作詞 Lyricist：劉亮延 Liang-yen Liu 音樂製作人 Producer：柯智豪 Blaire Ko 打擊 Percussion：陳胤錞 Yin-Chuen Chen 錄音師 Recording Engineer：許智敏 Jamie Hsu 混音 Mixing Engineer：許智敏 Jamie Hsu