（唸）曹七巧踅神踅神。 （白）敢不是嗎，那攏是咧講笑的啦～乎乎唉呦喂啊！恬恬！使用人咧講啥物話啊，唉呦喂啊，佮外口遐个臭烏工咧烏白拂啦。 （白）莫耍就莫耍，糞埽手我攏看現現的啦。 （白）張嫂啊，呀無張嫂啊，應較大聲咧，按呢這個有乖，唉呦！見著外面遮爾濟外人咧，唉呦，我實在是無好講明啦，我是一直共你當做家己人咧看待呢，唉呦，遮濟年矣，今仔日透早我是按那吩咐你的？我叫你準備的點心呢？點心何在？哪裡，猶毋緊捧來，著是咧共你，唉呦喂啊，等一下彼陳太佮王太啊，是袂用得失咧呢，是袂用得怠慢的咧，潘桶裝潘水，到底嘛是咧講我寒酸，頭尾一支香時間，以後喔，閣有啥物人敢來遮來跋牌仔？猶毋過，也是真歹勢啦，我一透早就看見彼个陳太啦、彼个王太，唉呦，按呢梳妝打扮，按呢花枝招展的，唉呦，嘿著是欲來咱姜家𨑨迌呢，亻因應該是毋知影啦，到底阮這厝內底是攏無查埔人了啦，阮厝的查埔人攏死了了啦，唉呦，彼有影是咧浪費精神的啦。顛倒是講，家己的夫君坐毋著，規工拋拋走。無親像阮軟骨的新婦，唉呦，佇咧彼个眠床頂，啊若見著我白郎君，伊就走便所，吱吱叫。哈哈哈哈 （白）啉茶啦，閣袂䆀，來來來來來來，啉茶好入喉。 （韻）唉呦，看恁是按呢驚半死，閣澹褲底～ （白）來啦，閣袂䆀，來來來來來來，啉茶好入喉 演唱 Vocalist：李靜芳 Jinfang Lee 作詞 Lyricist：劉亮延 Liang-yen Liu 音樂製作人 Producer：柯智豪 Blaire Ko 打擊 Percussion：陳胤錞 Yin-Chuen Chen 錄音師 Recording Engineer：許智敏 Jamie Hsu 混音 Mixing Engineer：許智敏 Jamie Hsu