（念）曹七巧清痰。 （白）哎喲喲喲喲！咱做人啊，敢毋是著參像佇咧拍牌！弄來弄去，逐家來拚輸贏，毋是你贏我的錢，就是我贏你的錢。可是我偏偏無愛擔輸贏，我欲強，我欲偏偏爭ㄧ个場面來，厝邊頭尾攏輸我，我愛恁逐家攏輸我，我就是愛恁欠我的錢，我就是愛這款，我就是愛這款感覺啦！ （念）伊斜目佇看。 （白）伊欠我的錢，我閣予亻因後生錢呢，我閣予伊去揣媳婦呢，唉呦，我辦桌宴客嫁查某囝呢，唉呦，我死翁無人替我作主，我予伊錢，伊知影，我嘛攏知影，我知影伊愛我的錢，我的錢變作伊的錢，亻因二兄死了才趁的錢，伊嘛全部攏欲挃，伊全部攏欲愛呢，伊一个影嘛攏無留予我，連伊𤆬白哥去踅間仔也欲愛我出，我閣愛出錢予伊去嫖。我出會起啦，伊會閣轉來揣我的啦，伊一定會閣轉來揣我討錢的啦，我予伊，我予伊，無要緊，我會予伊啦。 演唱 Vocalist：李靜芳 Jinfang Lee 作詞 Lyricist：劉亮延 Liang-yen Liu 音樂製作人 Producer：柯智豪 Blaire Ko 打擊 Percussion：陳胤錞 Yin-Chuen Chen 錄音師 Recording Engineer：許智敏 Jamie Hsu 混音 Mixing Engineer：許智敏 Jamie Hsu