列位朋友眾兄弟 來聽小弟唸歌詩 小弟安平咧徛起 姓周定邦親名字 小弟歌仔編一集 寬寬來聽免著急 因由母語夆哄翕 拚命欲予有鉗吸 故事起蒂孟加拉 為著母語蟯市喳 起事所在Teákà 編歌予恁聽紲拍 一九四七有記錄 巴基斯坦拄建國 東西兩爿無仝族 話語無像起勞碌 官方語言Atiù語 孟加拉人予人鄙 母語運動才起蒂 ????人????頭來營為 ????頭????人心扞定 為著文化相佮晟 知影這關真歹拚 抑無懍膽起驚惶 不管山頭碌硞尾 毋驚海墘揜貼地 為著文化个家伙 四界走傱來交陪 交陪人民做伙疼 欲予母語較勇健 逐个相楗同齊拚 政府頭人蓋生驚 骨力拍拚幾偌年 欲予母語出頭天 孟加拉人蓋志氣 毋驚政府歹觸纏 孟加拉人顧母語 攏佮政府釘孤枝 毋願母語予人鄙 要求政府愛公平 這个政府污瘻駛 看人無現刁工來 孟加拉人今齊知 公道著討合應該 一九五二彼當時 二月二一拄春天 孟加拉人攢四是 起人街頭來抗議 抗議个人像海湧 一湧一湧來無停 大人囡仔攏來楗 ????頭全全是學生 抗議民眾攏毋驚 為著母語大步行 學生????頭來捙拚 十个一陣去嗆聲 抗議聲音響閣旺 規个城市像地動 總理搦權毋願放 雙爿朝對起歹空 為著母語無咧懍 抗議民眾足大群 總理起人欲來翸 Teákà市起風雲 這个政府像痟狗 去起警察欲來剿 警察出門銃佮砲 Teákà市亂操操 警察民眾咧朝對 政府駛橫來營為 號令開銃欲來摧 民眾空手蓋剋虧 警察開銃真苦惱 規个場面亂操操 有人倒佇塗跤兜 血水紅紅㴙㴙流 民眾起盼拍警察 親像咧推舂迸賊 警察民眾大相殺 風火頭頂僫準節 警察予人圍咧舂 倒佇塗跤哀無停 雄雄警察閣開銃 共人彈死足酷刑 民眾逐个大聲喊 警察刣人足粗殘 ????頭學生嘛起盼 欲掠凶手來嚴辦 凶手驚死走去覕 民眾風火衝拄天 守佇學校????閣鄙 欲佮政府大觸纏 政府官員驚死死 覕佇官廳咧參議 有人心肝????如鐵 欲用武力來掃除 政府官員心肝䆀 號令警察閣再刣 死傷足濟淒慘代 Teákà大學血洒洒 警察刣人無心肝 夭壽串用瓦斯彈 予你目睭無當看 銃子才送你上山 學生死个是真濟 為著母語个問題 有个頭斷做兩橛 有个目睭煞青盲 學生死體拎去囥 派人咧顧真十全 夭壽警察欲搶轉 欲搶死體擲墓園 警察衝入溼厝內 咧顧學生相????刣 規間溼厝血洒洒 人間悲劇可憐代 死體職馬搶了離 拖去墓曠欲滅屍 一寡學生看知機 咪佇後壁想計池 等????警察攏總走 學生隨去做號頭 號頭那做那咧吼 予咱想著目屎流 事件驚天閣動地 予咱心肝像刀朘 為著母語个問題 拚命保護無挨推 逐國新聞報出來 世間个人攏齊知 巴基斯坦夭壽代 家治人民抑敢刣 為著母語用命拚 孟加拉人留名聲 世界个人攏知影 母語著疼用心晟 轟動世界通人知 巴基斯坦遮獨裁 各國壓迫????著改 保護母語才應該 對抗霸權攏無懍 母語烈士人尊存 設母語日紩傷痕 數念烈士盡忠魂 換講台灣這爿代 外來政權來相害 欲共母語掠去刣 予咱心肝足悲哀 外來政權摃面桶 寢來台灣道刣人 台灣頭尾刣迵迵 白色恐怖數十冬 刣人刣了猶毋煞 來換母語咧著磨 惡毒欲滅咱文化 這黨心肝放狗拖 國語政策大力摧 惡毒手路齊出圍 橫行獨霸像土匪 台灣母語下死???? 禁歌禁冊展神通 串掠母語咧捻紅 學校內底袂使講 若講罰金揲閣摃 罰金揲摃猶毋煞 設計狗牌頷頸袚 頂懸豬語寫一逝 滅咱尊嚴足車跋 台語聖經抑搶去 電視電台用索摧 規个台灣禁死死 欲斷母語个根基 公共場所嘛齊禁 這黨土匪蓋用心 鄙咱話土無字音 傷咱尊嚴九丈深 這款土匪蓋惡毒 陰琛毋免駛喙簇 斷咱文化滅咱族 揣無靈魂怎建國 台灣人民著覺醒 母語是咱个根基 傳湠文化鬥扶持 獨立建國蔭萬年 歌仔到遮欲扯擺 逐个心頭掠予在 保護母語做伙來 認賊做父不應該 歌仔到遮盡尾聲 你咱心頭掠予定 疼咱母語像疼囝 逐个仝心同齊晟 歌仔到遮欲結束 心頭扞定袂勞碌 路途坎坷皆克服 母語生湠道幸福 歌仔到遮欲來煞 心頭掠在袂拖磨 母語一代一代汰 囝孫過日著快活. 歌仔到遮總扯擺 堅心像鐵免驚颱 拍死無退相佮來 母語一代傳一代